Deseña unha Xoia para a túa Nai
A Federación Galega De Xoieiros, Prateiros e Reloxeiros, en colaboración co Colexio Profesional de Xoiaría, Ourivaría, Prataría, Reloxaría e Xemoloxía de Galicia (Coxga) convoca o VIII Certame de Deseño Escolar
“Deseña unha Xoia para a túa Nai”
Dirixido a escolares de educación infantil e primaria de Galicia, con idades comprendidas entre os 0 e 12 anos (inclusive), con ocasión da celebración do Día da Nai.
Esta iniciativa, que acadou un gran éxito nas pasadas edicións, ten como obxectivo impulsar a expresión artística dende unha idade temperán e despertar nos nenos e nas nenas a curiosidade polo mundo do deseño, ademais de achegar ao conxunto da sociedade unha profesión de gran arraigo e tradición en Galicia. Ademais, este divertido proceso de creación, que culmina coa execución dos deseños gañadores polos nosos profesionais, permítelle aos pequenos deseñadores ver unha aplicación práctica á súa creatividade, servindo de apoio á súa formación.
Pode consultar as bases completas do concurso premendo aquí.
Tamén pode consultar os deseños finalistas e gañadores da pasada edición, un álbum do acto de entrega de premios de 2016 e un vídeo de todo o proceso do concurso:
– Para ver os deseños finalistas da edición pasada, prema aquí.
– Para ver os deseños gañadores da edición pasada, prema aquí.
– Para ver un vídeo de todo o proceso do concurso (convocatoria, reunión xurado, fabricación xoias e acto de entrega de premios), prema aquí.
Os dípticos de participación pódense descargar das páxinas web www.coxga.es e www.fgxoieiros.es ou premendo aquí. Tamén se poden recoller en calquera dos establecementos colaboradores consultando nas páxinas web de www.coxga.es ou www.fgxoieiros.es ou solicitar á oficina do COXGA (teléfono 981 598 858 ou correo-e info@coxga.es)
O prazo de presentación dos deseños remata o venres 31 de marzo e pódense entregar en calquera dos establecementos colaboradores, oficina do Colexio, persoalmente, por correo postal ou mensaxería: COXGA (Colexio Oficial de Xoiaría de Galicia) rúa Ramón Cabanillas, 5-7, 2º B 15701 Santiago de Compostela
Para máis información podedes contactac con Lupe Santiso administración Colexio Oficial de Xoiaría de Galicia rúa Ramón Cabanillas, 5-7, 2º B 15701 Santiago de Compostela (A Coruña) www.coxga.es 981 598 858 – de luns a venres, 9h-14h e 16h30-19h30
